Mes: Xuño 2020

Dendrita, de Paula Luís, vaise converter nun libro inesperado para moitas e moitos lectores. Inesperado pola linguaxe co que está concibido e polo propio ámbito no que a poeta se acubilla para crear os seus poemas. Pero, sobre todo, polas marcas que o transitan e pola voz envolvente da súa autora. Chan da Pólvora Editora abre a temporada con este volume, unha obra que deixa un sedimento emocional inesquecible. Os seus poemas hipnotizan, estremecen e acarexan nunha única luzada. A forte personalidade de Paula Luís reflíctese nun texto sorprendente pola súa concepción e o insólito da proposta. Estamos ante unha poeta que se escinde para recoñecer e responsabilizarse das personaxes que interpreta. Continúe lendo ‘Dendrita’, o libro más inesperado da temporada

A emoción revivida de Antom Fortes e a voz mordida de Paula Luís foron o fío condutor que o pasado sábado puxo en marcha o programa estival da Horta das Chás, o novo espazo de Chan da Pólvora Editora. No acto, que tiña un aforo máximo para cincuenta persoas, presentáronse os libros dest*s autor*s, Figuras masculinas de meio-corpo e Dendrita, respectivamente, que inician a temporada do selo cunha aposta decidida polas liñas máis ousadas da creación. Xosé María Álvarez Cáccamo presento Figuras masculinas e Estíbaliz Espinosa Dendrita. A intervención de Espinosa incluiu unha evocadora interpretación da aria Ombra mai fu, a célebre composición de Haendel, nun momento de grande intensidade, cos asistentes megullados na vexetación da horta. O deseñador Manolo Martínez e Antón Lopo, director editorial do Chan, fixeron tamén unha pequena memoria dos catro anos de historia do selo –xurdido en 2016– así como do proceso de construción das Chás, un predio de seiscentos metros cadrados dun predio de seiscentos metros cadrados na Corredoira da Fraguas.

Continúe lendo A Horta das Chás, un novo espazo para a poesía de Chan da Pólvora Editora

Chan da Pólvora Editora celebra o próximo sábado día 27 de xuño, a partir das oito do serán, o seu cuarto aniversario de actividade e faino abrindo o espazo da Horta das Chás. Trátase dun predio de seiscentos metros cadrados na Corrredoira das Fraguas, en Compostela, que forma parte dunha extraordinaria contorna comunal de cultivos. As Chás está concibido para acoller os recitais da editora pero tamén como primeiro paso na consolidación dunha sede física, despois de abrir o pasado marzo a súa web. No mesmo acto, presentaranse as dúas primeiras novidades da temporada: Dendrita de Paula Luís e Figuras masculinas de maio-corpo de Antom Fortes, volume ao se lle dedica o Libro do Orgullo Galego 2020, unha iniciativa coa que naceu precisamente a editora no ano 2016.

Continúe lendo Chan da Pólvora Editora inaugura un espazo de verán para celebrar catro anos de poesía necesaria

Tras permanecer máis dunha década inédito, en 1997 publícase Figuras masculinas de meio-corpo, de Antom Fortes, un libro que abre unha singular vía expresiva na poesía galega dos anos noventa. Agora, vinte anos despois da súa publicación, Chan da Pólvora Editora recupera o texto e dedícalle o Libro do Orgullo Galego 2020, celebración que une a homenaxe ao Estatuto de Autonomía de 1936 e a loita polos dereitos da comunidade LGTBI+, efemérides ambas que coinciden no 28 de xuño.  Ese día, precisamente, a editora compre catro anos de actividade e para celebralo presenta o libro de Fortes na Horta das Chás, en Compostela, nun acto no que participa Xosé María Álvarez Cáccamo e no que tamén se presenta Dendrita de Paula Luís, con introdución de Estíbaliz Espinosa.

Continúe lendo ‘Figuras masculinas de meio-corpo’, de Antom Fortes, Libro do Orgullo Galego 2020

Cinco poemas de A lentitude, o libro que María do Cebreiro publicou en Chan da Pólvora Editora no ano 2018, acaban de aparecer no xornal literario americano Waxwing [waswingmag.org], traducidos por Jacob Roberts. Os poemas reflecten, segundo Roberts, esa inclinación que caracteriza á poeta galega de mesturar  as “reflexións esotéricas e filosóficas cunha brevidade case aforística e unha linguaje engaiolante e mística”. En todo o conxunto de A lentitude, engade o tradutor, a poeta invoca a natureza, os elementos, os corpos, as nocións humanas ou as construcións humanas como un espello no que contemplarnos nós mesmos. Os poemas traducidos son O lume, O xeo, Unha cantiga, O Futuro e O Chan.

Así é O lume [páxina 9 da edición de Chan da Pólvora] na tradución ao inglés:

I threw the ring into the river. Some things

are a dead weight. We make

metal objects because we lack faith

in the duration of bonds. I had faith in

water. I thought it would carry away the ring

and guide it to death, darker

and more consistent than life.

The river couldn’t clean away a thing.

There’s no being born again for the newborn,

just as there’s no rebirth for the resurrected.

I sat down on the bank. One side

said: “A river that shifts plants is

a river that drowns them.” The other side

said: “Life has spines but one day,

out of the blue, a flower will bloom.”

What you need is a baptism by fire.

Life, scorched earth. I want to be

like flame, I want to watch the fire burn.

 

---

 

 

Manolo Martínez elixiu un verde lombo de dragón [Pantone 583+negro] para Dendrita, o primeiro libro de Paula Luís e tamén o primeiro da nova temporada de Chan da Pólvora Editora. A sobrecuberta desta obra impactante, onde Paula Luís explora os labirintos da identidade, o funcionamento da mente e o xesto poético, estará vernizada sobre un papel Olim Regular Natural White de 120 gramos, con impresión a dúas tintas. O motivo da cuberta [a sorpresa que cada libro da editora agacha no seu deseño] é un debuxo de Ramón y Cajal, denominado Neurona de Purkinje do cerebro humano. A Paula Luís, o debuxo lémbralle a sucesión de Fibonacci, na que cada número é a suma dos dous anteriores. Esta visión encaixa perfectamente na esencia de Dendrita, que a poeta concibe desde a forza do colectivo. En dez días, o libro chegará ás librarías.

---