Lois Pereiro en estado puro

Abastou unha semana nas librarías para que os Cadernos persoais de Lois Pereiro –un conxunto de textos inéditos que o poeta escribiu sobre todo durante a súas viaxes por Europa– se convertese nunha das grandes referencias editoriais da temporada. Os medios fixéronse eco con amplitude da súa aparición e Dani Salgado realizou, para a edición galega de El Diario, unha ampla crónica que esculca as claves do volume, publicado da colección Cova da Lontra con edición a cargo de Héctor Cajaraville e textos de dúas das persoas que acompañaron a Pereiro nas súas travesías, Fernando Saco e a súa irmá, Inés Pereiro.

Para ler a crónica completa:

https://www.eldiario.es/galicia/politica/cadernos-ineditos-do-poeta-post-punk-eu-son-l-pereiro-proximo-cadavre_130_7829525.html


 

‘Outlet’, o último libro de Antón Reixa, preséntase o xoves día 20 na libraría Cartabón de Vigo

Outlet, o libro de poesía de Antón Reixa que publicou Chan da Pólvora, preséntase o xoves 20 de maio ás oito da tarde na libraría Cartabón de Vigo. Será só dous días antes de que o seu grupo de música Os Resentidos presenten no Auditorio do Mar de Vigo o seu primeiro disco de estudo desde 1993, titulado Organización Nautilus. Será unha oportunidade única para reencontrarse cun dos activistas que revolucionaron os formatos culturais galegos das últimas décadas.

Despois dunha paréntese de creación poética e durante a convalecencia dun accidente que case lle costa a vida, Antón Reixa entra nun período intenso de escrita. Dese transo de marcada reflexión, e  partir de textos pre-existentes, xurden os poemas de Outlet, un libro que se nutre da racionalización do proceso creativo. O lévedo son distintos materiais pre-existentes ou o exercicio de memorialismo e autoficción que lle serviu para compactar o sobrecolledor Michigan / Acaso Michigan. Crónica de 18 días en coma, onde revelou vertentes ata entón inéditas da sea obra literaria. A heterogeneidad formal e temática de Outlet ten que ver coa procura compulsiva dunha voz propia pero tamén coa incansable exploración dun artista que non renuncia á capacidade de observar o mundo desde os dispositivos do humor e coa complicidade da súa intelixencia.


 

Antón Reixa asina exemplares de ‘Outlet’ este sábado día 8 na Feira do Libro de Compostela

Tras unha longa temporada de silencio na poesía, Antón Reixa publicou en Chan da Pólvora Outlet, un libro que abre novas canles expresivas na súa obra pero que tamén recolle a froza carcaterística que o autor leva explorando desde hai máis de corenta anos. Este sábado oito de abril, Reixa asinará exemplares do poemario na Feira do Libro de Santiago de Copostela a partir das oito da tarde.

Continúe lendo Antón Reixa asina exemplares de ‘Outlet’ este sábado día 8 na Feira do Libro de Compostela

Este venres día 7 inaugúrase na Casa das Campás de Pontevedra a mostra de ‘nenas medrando’

nenas medrando, o libro de Silvia García que Chan da Pólvora publicou na súa colección Areal de Melide, chega este venres 7 de maio a Pontevedra por partida dobre: ese día, ás 19 horas, presentará na Casa das Campás [Vicerreitoría do Campus de Pontevedra] o volume e, ao mesmo tempo, inaugura alí a exposición onde se exhibe o material utilizado de base ao libro. nenas medrando xurde dunha colección de fotos de nenas de distintas épocas que a autora foi recollendo durante narios anos. O resultado é un volume escintilante e delicioso. Continúe lendo Este venres día 7 inaugúrase na Casa das Campás de Pontevedra a mostra de ‘nenas medrando’

Estes días chega ás librarías ‘Cadernos persoais’, o volume inédito de Lois Pereiro

Chan da Pólvora achega ás feiras do libro de Galicia os Cadernos persoais de Lois Pereiro, un dos títulos máis esperados da temporada. O volume, en edición de Héctor Cajaraville, publícase ademais como homenaxe ao poeta cando se cumpren 25 anos da súa morte e inclúe textos de Fernando Saco [o compañeiro de viaxe en varias travesías] e Inés Pereiro, que aprendeu a viaxar co seu irmán.

Continúe lendo Estes días chega ás librarías ‘Cadernos persoais’, o volume inédito de Lois Pereiro