A superficie é o título co que Ismael Ramos agrupou os seus poemas máis recentes, cos que acaba cinco anos de silencio na poesía. Chan da Pólvora e papeles mínimos publícan os textos nunha plaquette artesanal como contribución á alianza dos dous selos desde hai dez anos. A superficie arranca dun diálogo de Ismael Ramos con Peter Handke no seu Poema á duración, concepto bergsoniano co que o Nobel austríaco se refire aos intres onde o tempo se experimenta con plenitude e a vida emerxe nel cun estado puro. Ramos opta pola superficie como “esa única raíz que sostén á silveira, por moito que ela teime en crear un relato, unha biografía” e faino consciente de vivir nunha era de materialidades dixitais. Os cinco poemas visionarios que agora publican Papeles Mínimos e Chan da Pólvora son o primeiro banzo dun camiño novo que Isamel Ramos explora sobre o desprazamento radical do eu ao plano último. Trátase dunha inquietante proposta sobre os fragmanetos da sitaxe na mirada e os tempos do poema.
Continúe lendo Chan da Pólvora e papeles mínimos publican os novos poemas de Ismael Ramos
Pilar Pallarés presenta o vindeiro xoves 16 de xullo na Coruña a súa nova publicación, Unha escriba, onde reúne o conxunto da súa poesía, incluída a dispersa. O acto, que comezará a partrir das oito da tarde en Portas Ártabras, contará coa introdución de Miguel Mato, que se adentrará na espiral envolvente da poesía de Pallarés, unha das voces capitais da literatura galega actual. “A vida só é máis vida / se o pensamento vén e se dá en éxtase”, escribe xa ao final do libro nunha caste de principio de vida que culmina está excepcional panorámica sobre a súa obra.
