Publicado o

A crise do papel leva por diante a Arjowiggins, unha das marcas de referencia de Chan da Pólvora

Arjowiggins, un dos fabricantes de papel máis imaxinativos do mundo e unha das marcas predilectas en Chan da Pólvora, entrou en concurso de acreedores, incluíndo as súas históricas plantas de Stoneywood e Chartham. No catálogo desta productora británica atopamos inspiración para algúns dos nosos libros máis celebrados, en especial os imprentados coa cartolina Rives, na que chegaron ás librarías, entre outros, a antoloxía de Xela Arias A vida ía en serio, realizada por Chus Nogueira, e o recente Palmeiras, piueiros de Anxo Angueira, ademais do Curius de Tempo fósil de Pilar Pallarés ou o keaycolour empregado nos Cadernos persoais de Lois Pereiro. A quebra de Arjowiggins fai destes exemplares auténticas pezas de coleccionista. E é que a crise do papel está a resultar implacable. Ameaza con afundir a industria papeleira e, dunha maneira máis preocupante, a produción alternativa de libros materiais. A fábrica de Stoneywood produce desde 1770 e é especialista en papeis de calidade, mentres que Chartham funciona desde 1738 e fabrica papeis translúcidos. Conqueror, Curious Collection, Keaykolour, Rives e Delos son algúns dos excepcionais papeis que fabricaban, boa parte deles empregados nos libros de Chan da Pólvora.


 

Publicado o

Lupe Gómez reedita e actualiza ‘Os teus dedos na miña braga con regra’, o seu libro máis provocador

Cando pasaron xa dúas décadas da publicación de Os teus dedos na miña braga con regra, de Lupe Gómez, e coincidindo co lanzamento de Así fala Penélope, a antoloxía de xénero que fixo Marta Dacosta, Chan da Pólvora reedita e actualiza o libro máis provocador e polémico da poeta de Fisteus. Deste xeito, a antoloxía prolóngase no verso implacable de Lupe Gómez cunha obra que rompeu os moldes na poesía dos anos noventa e mesmo foi censurada. O texto non só conserva a súa forza senón que adquiriu tamén unha extraordinaria beleza.

Continúe lendo Lupe Gómez reedita e actualiza ‘Os teus dedos na miña braga con regra’, o seu libro máis provocador

Publicado o

‘Así fala Penélope’, unha perspectiva apaixonada das mulleres na literatura

A escrita das mulleres, á que Chan da Pólvora lle prestou sempre unha atención especial, é a protagonista dos últimos lanzamentos da editora, que estes días achega ás librarías dous volumes de grande impacto: Así fala Penélope, de Marta Dacosta, a primeira antoloxía de xénero da poesía galega recente, e a reedición actualizada de Os teus dedos na miña braga con regra, o libro de Lupe Gómez máis provocador e polémico, censurado incluso cando apareceu no ano 1999. Estes dous títulos permítennos achegarnos, desde unha perspectiva histórica e novidosa, ao fenómeno hoxe indiscutible da poesía galega escrita por mulleres.

Continúe lendo ‘Así fala Penélope’, unha perspectiva apaixonada das mulleres na literatura

Publicado o

Mercedes Martínez Modroño, unha activista que na Ribeira Sacra descubriu a poesía da terra e da vida

Colección N, o proxecto partillado por Chan da Pólvora e Amastrangallar, irrompe con forza este outono e achega ás librarías dous novos títulos: A falta dun Edén, a terra, de Mercedes Martínez Modroño, e O lugariño, de Iago González. O libro de Modroño, unha das máis recoñecidas activistas da Riberia Sacra, preséntase este venres 7 de outubro no Castelo de Castro Caldelas, a partir das 18.30 horas, nun acto no que participará a autora e mais o seu dúo Versofonía [na lapela de LIPo, nesta mesma páxina, poderedes atopar o link do seu traballo máis recente A bolboreta e o capitalismo].

Continúe lendo Mercedes Martínez Modroño, unha activista que na Ribeira Sacra descubriu a poesía da terra e da vida

Publicado o

Dez poetas pechan este xoves 29 e venres 30 o programa da Horta das Chas

O programa 2022 da Horta das Chas, o espazo espefísico para a poesía creado por Chan da Pólvora Editora, chega ao seu remate este venres 30 de setembro cun recital do Grupo das Lupercais, colectivo lucense que se presenta oficialmente en Galicia con nove dos seus once integrantes, Genaro da Silva, Nieves Neira, Luís López Alonso, Luís Valle, María Grandío, Antom Fortes, Abraham Pérez, Xerardo Quintiá e Sara Plaza. Previamente, o xoves 29, Lorena Souto executará un exercicio de indagación sobre a construción e autopercepción do eu. Ambos recitais terán lugar no Almacén da Horta a partir das 19 horas.

Continúe lendo Dez poetas pechan este xoves 29 e venres 30 o programa da Horta das Chas

Publicado o

Autumn Equinox na Horta das Chas, o espazo ‘espefísico’ para a poesía de Chan da Pólvora

A Horta das Chas, o espazo espefísico para a poesía que impulsa Chan da Pólvora Editora, celebra desde o mércores 21 de setembro, e ata o sábado 24, o seu Autumn Equinox, unha serie de recitais que permitirán achegarse ás propostas de Cesáreo Sánchez Iglesias, Rafa Lobelle, Alicia Fernández+Eduard Velasco e Ana Romaní+Chus Silva. O programa forma parte do ciclo de recitais das Chas, que se iniciou o 24 de xullo con Clo Plas e que conclúe –tras escoitar en agosto os poemas de Emma Couceiro, Afonso Traficante e Miro Villar–, coa intervención a próxima semana de Lorena Souto (29 de setembro) e o Grupo das Lupercais (30 de setembro).

Neste equinoccio de outono coinciden na Horta das Chas unha serie de voces de marcada personalidade coas que despediremos en Compostela o verán. A semana pasada estaban previstos os recitais de Rafa Lobelle e Ana Romaní+Chus Silva, pero unha serie de circunstancias obrigou a adialos e este azar permite agora articular un programa de catro días onde coñecer as propostas de distintas xeracións, non só cronolóxicas senón tamén estéticas.  Como xa é habitual neste programa, cada participante recibirá de agasallo (ademais da vontade dos asistentes) a colleita que ese día haxa na horta: froita, hortalizas, legumes, herbas aromáticas ou flores.

Continúe lendo Autumn Equinox na Horta das Chas, o espazo ‘espefísico’ para a poesía de Chan da Pólvora