Publicado o

Martínez Modroño preséntase este venres con Versofonía no Ateneo Casino de Monforte

Mercedes Martínez Modroño, unha das activistas culturais da Ribeira Sacra, presenta este venres dous de decembro no Ateneo Casino de Monforte de Lemos o seu primeiro poemario, A falta dun Edén, a terra, publicado por Chan da Pólvora. O acto, que terá lugar a partir das oito da tarde, servirá tamén para presentar o proxecto de intervención musical que a poeta de Lumeares desenvolve xunto con Versofonías. Unha ocasión excepcional para coñecer as propostas que nos últimos anos converteron a Ribeira nun espazo de referencia en Galicia.

O libro, que aparece dentro da Colección N, o proxecto partillado por Chan da Pólvora e Amastrangallar, é un berro contra a nostalxia, contra a impostura do paraíso. É un texto apegado a unha realidade de aldea que se resiste a negarse pero tamén a converterse nunha imaxe costumista ou, o que é peor, nunha ficción turística. Mercedes Martínez Modroño crea trazos dunha natureza que se mestura co sangue e que atravesa a subxectividade. Pero, por riba de todo, foxe da fosilización nos soños da idea dun pasado mellor. Rexeita a quimera edénica e ancárnase no presente.


 

Publicado o

Lupe Gómez presenta este mércores 30 en Couceiro ‘Os teus dedos na miña braga con regra’

Os teus dedos na miña braga con regra, o libro que confirmou hai case 25 anos a Lupe Gómez como unha das voces máis provocadoras da poesía galega, chega de novo ás librarías da man de Chan da Pólvora e este mércores, 30 de novembro, preséntase na libraría Couceiro de Compostela. O acto, que comezará ás 19.30 horas, contará coa participación da propia autora xunto á poeta Marga Tojo e Manuel Martínez, deseñador gráfico do selo editor.

A capacidade recursiva de Os teus dedos na miña braga con regra é froito, talvez, da percusión salmódica que ailla a obra no tempo e da xenialidade dunha autora que constrúe os poemas a partir de elementos visionarios. Aquí atoparedes algúns dos versos inesquecibles das últimas décadas, composición breves, mínimas, non exentas de humor, que nos rebentan como os golpes dunha boxeadora. Nunca teredes nas mans outro libro tan violento e tan inocente.


 

Publicado o

‘Radiante’ de Darriba preséntase o 22 de novembro, ás 19:00 horas,en Trama, de Lugo con Genaro da Silva

Radiante, o último poemario de Manuel Darriba, preséntase o vindeiro martes 22 de novembro na libraría Trama de Lugo, nun acto que comenzará ás 19.00 e que contará coa participación de Genaro da Silva.

Radiante é, sen dúbida, o poemario de Darriba que con máis forza explora na materia poética. Durante o proceso de composición da obra, que se prolongou varios anos, o autor sentiu que traballaba unha materia dura, pedra ou madeira, para extraer da masa informe fragmentos de discurso estructurado. En moitos casos, os poemas empezaron como gromos de escritura automática (ou case) que cobraron forma e sentido no proceso de creación. “Toda peza de arte acabada”, asegura o autor “é unha estación de destino cunha viaxe moi longa. A poesía pode ser complexa, pero nunca o é tanto como a vida”.


 

Publicado o

Iago González presenta, xunto con Olga Novo, “O lugariño” este venres día 11 no local da Asociación Cultural Agromadas

O lugariño, o marabilloso poemario de Iago González, preséntase o vindeiro venres día 11 no local da Asociación Cultural Agromadas de Seixalbo, nun acto que comenzará ás 17:00 horas e que contará coa participación de Olga Novo.

O lugariño é un libro sobre un lugar [O Arnuíde natal de Iago González] pero tamén sobre o rural galego, co esplendor da voz dun poeta que o canta cunha voz fresca, como auga que acaban de sacar dunha mina. Porén, o que máis brilla neste libro longo e denso, complexo na súa vontade totalizadora, é a xente, as persoas, que o poeta vai enumerando como un notario que levanta acta dunha extinción.

Licenciado en Filoloxía Galega pola Universidade de Santiago, Iago González subliña que se sente herdeiro da cultura popular, enxertado “na tradición serodia, na píbeda rural, na canción dos falares, na redención dos dicires, na curación dos poemas e na relixión dos amores”, sucando na aventura dos mundos o xerme vivo da natureza prístina. recibindo a cor sen dor.


 

Publicado o

‘Radiante’ de Darriba preséntase o 18 de novembro en Pedreira con Daniel Salgado e Anxos Sumai

Radiante, o último poemario de Manuel Darriba, preséntase o vindeiro venres 18 de novembro na libraría Pedreira de Compostela, nun acto que comenzará ás 19.30 e que contará coa participación de Daniel Salgado e Anxos Sumai en representación de Chan da Pólvora, editora dun volume realmente intenso e fermoso.

Radiante é, sen dúbida, o poemario de Darriba que con máis forza explora na materia poética. Durante o proceso de composición da obra, que se prolongou varios anos, o autor sentiu que traballaba unha materia dura, pedra ou madeira, para extraer da masa informe fragmentos de discurso estructurado. En moitos casos, os poemas empezaron como gromos de escritura automática (ou case) que cobraron forma e sentido no proceso de creación. “Toda peza de arte acabada”, asegura o autor “é unha estación de destino cunha viaxe moi longa. A poesía pode ser complexa, pero nunca o é tanto como a vida”.


 

Publicado o

Mercedes Martínez Modroño presenta o seu “Edén” en Compostela, A Coruña e Monforte

Mercedes Martínez Modroño, unha das activistas culturais da Ribeira Sacra, presenta ao longo das próximas semanas o seu libro A falta dun Edén, a terra en Compostela, A Coruña e Monforte de Lemos. En Compostela, onde estará o día dez a partir das oito da tarde na libraría Couceiro, Martínez Modroño terá como compañeiros a Manolo Martínez, deseñador gráfico das edicións de Chan da Pólvora, e á poeta Branca Novoneyra. Na Coruña, nun acto previsto o 17 de novembro na libraría Berbiriana, será Antón Reixa o encargado de facer a introdución ao volume, mentres que en Monforte será dúo Versofonía quen a acompañe o vindeiro dous de decembro no Ateneo Casino da cidade.

O libro, que aparece dentro da Colección N, o proxecto partillado por Chan da Pólvora e Amastrangallar, é un berro contra a nostalxia, contra a impostura do paraíso. É un texto apegado a unha realidade de aldea que se resiste a negarse pero tamén a converterse nunha imaxe costumista ou, o que é peor, nunha ficción turística. Mercedes Martínez Modroño crea trazos dunha natureza que se mestura co sangue e que atravesa a subxectividade. Pero, por riba de todo, foxe da fosilización nos soños da idea dun pasado mellor. Rexeita a quimera edénica e ancárnase no presente.

O libro forma parte dun ambicioso proxecto que a autora desenvolve desde hai tempo. Nel, os textos prolónganse nunha dimensión musical que interpreta en directo co dúo Versofonía e que ten como principal espazo de acción a Ribeira Sacra.