Não tenho culpa de viver [Ana Brouwer]

Teresa Moure [Monforte de Lemos, 1969] é unha das máis celebradas e admiradas escritoras galegas. Nao tenho a culpa de viver é, sen dúbida, o conxunto de poesías máis engaiolante da autora, poeta, narradora, dramaturga e ensaísta. Aquí, Teresa Moure fai un xogo literario no que ela se presenta como tradutora e pon na pluma dunha inventada Ana Brouwer a autoría. Brouwer sería o nome que adoptou após casar Ana Silva, a protagonista precisamente da última novela da escritora monfortina, Um elefante no armário, publicada por Através. Sen dúbida, nesta plaquete de coidada e fermosa edición, a voz de Teresa Moure amósase máis reveladora que nunca, enfrontada a esculcar os algarves da mentira na sociedade da posverdade.