Categoría: Novidades

Cando se cumpren 95 anos do nacemento de Uxío Novoneyra, a Fundación do poeta e a editorial Noudelo e Ribón recuperan A distancia do lobo, biografía que Antón Lopo publicou con Galaxia en 2010 coincidindo co Día das Letras Galegas dedicado ao autor de Os eidos. O volume, revisado respecto da edición orixinal, preséntase ao longo deste mes en distintas cidades de Galicia. Este xoves día 20, a libraría Numax de Compostela acollerá a presentación da biografía cunha conversa entre Elba Rey –muller de Novoneyra– e o propio Lopo, presentados por Branca Novoneyra,  representante da Fundación do poeta. Será a partir das oito da tarde.

Continúe lendo Elba Rey conversa en Numax con Antón Lopo arredor da vida de Uxío Novoneyra

Coa publicación de Love me tender [24 pezas mínimas para unha caixa de música e cilindro], de Ana Romaní, e mais de Exuvia e saliva, de Lorena Souto, concluíu a subscrición 2024/25 de Chan da Pólvora Editora e ábrese a de 2025/2026, que será a derradeira da súa acción editorial. Para abrir a nova temporada xa están a punto de aparecer os dous primeiros títulos: Un xesto de tenrura, de Gonzalo Hermo, e Baladaz, de Sharon Olds.

Nesta derradeira subscrición, desenvolverase un acto de peche (previsto inicialmente para este ano) no que participarán tod*s *s subscritor*s: unha antoloxía da década que estamos cumprindo e da propia editorial a través dos criterios d*s subscriptr*s: cada un e cada unha deberá enviar unha fotografía (un selfie ou outa imaxe que vos represente) e elixir un poema de entre os libros publicados por Chan da Pólvora desde 2016. Coa escolla publicarase o derradeiro volume da derradeira temporada de Chan da Pólvora.

Coincidindo co primeiro cabodano de María Salvado, o Consello da Cultura Galega publicou a súa entrada biográfica nbo Álbum de Galicia, que actualmente contén “788 vidas para contar un país”. Salvado, unha das referencias da pedagoxía galega nas últimas décadas e vinculada estreitamente a Chan da Pólvora, é a entrada máis recente, xunto a un poeta que, precisamente, estivo tamén estreitamente ligado á editora, Francisco Cortegoso. A entrada pode lerse na web do Consello da Cultura Galega na lapela Album de Galicia.

---

 

Love me tender [24 pezas mínimas para unha caixa de música e cilindro] é o título do último libro de Ana Romaní, unha actualización do volume publicado en 2005 que agora se nutre con 24 poemas novos e unha Danza insurrecta, onde aparece un único poema visual. O volume preséntase na libraría Pedreira de Compostela ás oito da tarde o mércores 19 de novembro, nun mes que, precisamente, está dedicado á eliminación da violencia patriarcal. O acto, con espazo sonoro de Chus Silva, contará con María Xesús Nogueira, autora que participa nas “Contornas” do libro.

Continúe lendo Ana Romaní presenta ‘Love me tender’ este 19 de novembro na libraría Pedreira

Cando se cumpren 95 anos do nacemento de Uxío Novoneyra, a Fundación do poeta e a editorial Noudelo e Ribón recuperan A distancia do lobo, biografía que Antón Lopo publicou con Galaxia en 2010 coincidindo co Día das Letras Galegas dedicado ao autor de Os eidos. O volume, revisado respecto da edición orixinal, preséntase ao longo deste mes en distintas cidades de Galicia. A próxima ocasión será o xoves 20 na libraría de Numax, en Compostela, a partir das oito da tarde, coa presenza de Elba Rey e de Branca Novoneyra.

Continúe lendo Elba Rey conversa en Numax con Antón Lopo arredor da vida de Uxío Novoneyra

Houbo unha poeta nos anos noventa que cativou tanto a crítica como aos lectores, unha muller que traballaba de periodista en Lalín, que asinaba como Isolda Santiago e que nos ofreceu algúns dos versos máis memorables da década, con títulos inesquecibles como Flor de tan mal xardín. De súpeto, aquela muller de poemas escilantes despareceu e atrás deixou un ronsel de lenda que case trinta anos despois eclosiona de novo con Escrita oculta, poemario que permanecía inédito desde 1997 e que ela refunde con outro libro posterior -tamén inédito- nun volume apaixonante, conmovedor e irónico. O próximo sete de novembro -venres- preséntao a partir das 20 horas na libraría de Numax, en Compostela, xunto á periodista Carme Vidal.

Continúe lendo Cita en Numax este venres 7 de novembro con Isolda Santiago, a escritora oculta